Rev 13 | TPZ | STEP | A kuruß apuh vëh to teß e non manih po kösan, keöß to ep in a tah poa to tavus taneß manih tahiß. Eß to teß me non o havun köm, me a tönim me a poa pasun. Manih pa havun köm, eß to teß non o havun uvan pa teß sunön. Ka manih pa ma paeh pasuneah a ma ëhnan to kiun ne, ee a ma soe to sosoe vavahat e ne pe Sosoenën.

Revelation of John 13

A Poa Tah Poa To Tavus

1 A kuruß apuh vëh to teß e non manih po kösan, keöß to ep in a tah poa to tavus taneß manih tahiß. Eß to teß me non o havun köm, me a tönim me a poa pasun. Manih pa havun köm, eß to teß non o havun uvan pa teß sunön. Ka manih pa ma paeh pasuneah a ma ëhnan to kiun ne, ee a ma soe to sosoe vavahat e ne pe Sosoenën. 2 A tah poa pamëh nöß to ep in to matan va non manih pa pusiß apuh nee to pokaß ne a lepat, ka moneah ep va non manih pa mon a beaß, ka rivoneah ep va non manih pa rivon a laëon. A kuruß pamëh to heß a tasun me o kikis peß manih pa tah poa pa nok a ma tah no a kuruß koman to onöt non a nok. 3 Eöß to ep in o pöh pasun pa tah poa pamëh to matan va non manih pee to moes vamët voh poë. Ivëhkëk, a piß hat pamëh to anaß, keß sun hah en. Ka napan varih po oeh to töhkak in a tah poa pamëh, pare vatet ee peß. 4 A napan to nat e ne pan, a kuruß to heß voh poan o kikis peß manih pa tah poa. Ivëh, kee vatokon ko vasunön ne a kuruß, me a tah poa, pare soe pan, “Eteh to vatoe me non a tah poa vaßih? Eteh to onöt non a vapus me poan?”

5 E Sosoenën to vaonöt ken pa tah poa, keß sosoe vavovoeak e non pe Sosoenën, me o kikis marën a nok a taateß pamëh po 42 sivö. 6 A tah poa pamëh to sosoe oah e non pe Sosoenën, me eß to sosoe vavovoeak e non pa ëhnan e Sosoenën me a vöön teßteß peß, me a ma napan pe Sosoenën varih to teß ne pa vöön va kin. 7 E Sosoenën to vaonöt ken pa tah poa, marën a vapus me a ma napan pe Sosoenën ko onoah raoe po vapus. Eß to teß me non o kikis va pa tavus a teß sunön pa matop a ma napan va po oeh kurus, me a matop a ma vu to, me a matop a ma vuteß.

8 A ma napan kurus varih to teß ne po oeh, no a ëhnëëre to hikta kiun non po puk va po toßtoß tamoaan po poen ne Sosoenën to nok voh o oeh. Ee se vasunön ne a tah poa pamëh. O puk pamëh, eß to vaneah non pa Soneß Sipsip vëh nee to ip vamët voh.

9 A teß to teß me non a tenaneah, eß se pënton vavih a soe vëh, pareß vatet.

10 E Sosoenën se keh vateß ta pah teß keß nö pa nohnoh,
a, keß se nö en pa nohnoh.
E Sosoenën se keh vateß ta pah teß pan, eß se mët pa koren a meh teß to öt non o rapis rë,
a, eß se mët po rapis rë pa meh teß.
O poen no a taateß pamëh se tavus en, eöm a ma napan pe Sosoenën se sun vakis po vaman peöm.

11 Eöß to ep in a meh tah poa to tavus taneß varuß maß komön o oeh. Eß to teß me non a poa köm manih po kahoß peß vamanih pa köm pa soneß sipsip oeteß, pareß vavaato va non manih po vaato pa pah kuruß apuh. 12 A vapöök tah poa to kon taneß o kikis apuh manih pa tah poa vamomoaan peß to teß me non poan. Eß to kiu vakis rakah e non pa rëh a ma napan varih po oeh, pa vasunön a tah poa vamomoaan vëh, no a piß peß to anaß hah voh en. 13 A vapöök tah poa to vatvus a ma vu tah vatoksean. A paeh tah vatoksean neß to vatvus ivëh, eß to vatvus a suraß, keß taneß maß kin, ko kunah manih po oeh a napan he ep ne. 14 E Sosoenën to vaonöt poan pa nok a ma tah vatoksean manih po kikis, no a tah poa vamomoaan to heß voh poan, pareß piuk a ma napan varih po oeh. Pareß sosoe ke non a ma napan pan, “Eöm se nës suk a tah nößnës va pa tah poa vamomoaan, paröm kë nem a ëhnaneah. Moaan voh o rapis rë to ip voh poan, ivëhkëk, eß to teß toßtoß e non.” 15 E Sosoenën to vaonöt ke a vapöök tah poa pa piu a tuvuh va po toßtoß manih pa tah nößnës in a tah poa vamomoaan, pan a tah nößnës pamëh se vaato. Ivëh, ka napan se keh hikta vasunön a tah nößnës pamëh, eß to teß me non po kikis va pa ip vamët raoe.

16 Ivëh ka vapöök tah poa to soe, kee vahoß o vëknöm manih pa pap koren matö keß pa ma naira napan kurus. O teß akuk, me a napan varih to teß me ne o ëhnan, me a nap ötöt ö, me o teß arus, me a nap taihan, me o teß kikiu akuk. 17 Ka teß to hikta teß me non o vëknöm va pa tah poa pamëh. O vëknöm pamëh eß a ëhnan a tah poa, keß, a nampaß va pa ëhnaneah. Eß to hikta onöt non a voen taneß ta tah manih pa ma meh teß, me eß to hikta onöt non a vavoen ta tah peß. 18 A teß to teß me non o kokoman natsean, eß se ëh ko nat vavih a pusun a nampaß va pa tah poa. Suk a nampaß pamëh, eß a 666, to vëknöm e non a ëhnan a teß.